Këngëtarja kosovare Orhidea Latifi, e njohur si Kida, është shumë aktive në rrjetin social “Instagram”, ku ndan me ndjekësit jo vetëm foto nga konceretet apo projektet e saj muzikore por edhe nga përditshmëria e saj. Por së fundmi ajo është kritikuar nga fansat e saj, në një fotoalbum që ka postuar.
Këngëtarja duket e veshur e gjitha në të kuqe në fotot që ka publikuar, veshje me të cilën u paraqit në koncertin e fundit. Në foton e tretë të postimit fansat kanë akuzuar këngëtaren se ka përdorur photoshop, për të rregulluar format e saj.
Fansat shkruajnë se dera afër së cilës ka pozuar Kida shihet është e deformuar poshtë nga përdorimi i fotoshopit.
Megjithatë këngëtarja nuk ka bërë ndonjë replikë në komentet e lëna nga ndjekësit dhe as nuk e ka fshirë postimin. Përpos kritikave, artistja mori edhe shumë komplimente për look-un e saj.
Shpeshherë të famshmet shqiptare akuzohen se përdorin “photoshop”-in në fotografitë e tyre që publikojnë në rrjetet sociale. Jo gjithmonë arrijmë të vëmë re se kur është përdorur, por ka patur raste edhe që të jetë keqpërdorur.